【Now財經台】喺內地從事裝配式建築解決方案嘅遠大住工(02163)，股價上周五(6月30日)創上市新低1.58元後，今日中午再有新動作，但股價仍連跌第3日。
遠大住工今朝平開後，一度微升，中午收市前成交比較活躍，一度急挫近9%，低見1.62元，午後交投轉趨淡靜，臨近收市先見到有買盤追入，收市跌逾4%，報1.7元。
集團中午公布，計劃將410萬人仔調回境內用作一般營運資金，並計劃向150名員工派送約635萬股H股作激勵。公司上周二(6月27日)曾發通告，指持股59.29%嘅董事長張劍，計劃未來12個月回購1000萬至3000萬股，但呢啲好消息都托唔起股價。
遠大住工股價今年累跌近80%，14天相對強弱指數(RSI)已跌至25嘅超賣水平，不過，其實之前都出現過嚴重超賣訊號，當時股價都無力反彈，睇嚟前景都唔樂觀。
