【Now財經台】港股之前喺低位勁彈2000點，恒指7月底更收喺20000點樓上，雖然拆息持續高企，但無阻大市升勢，但點解最近HIBOR升，港股多數要跌，喺依家嘅市況下，要財息兼收，係咪揀業績好、息率高及有做回購嘅股份？
香港大學房地產及建設系客席副教授楊書健指，今年HIBOR一抽高，港股就跌，依家息口處於高原期，市場唔會預期利率再高企一段太長時間，最快年底開始減息，高原期嘅特色係，由於資金成本貴咗，邊啲公司有問題，邊啲冇問題可以睇得好清楚。
股份部署方面，Victor就話，以內房股為例，上個月主要升大隻內房，例如華潤置地(01109)及中國海外發展(00688)，其他內房仍然處理緊債務問題，所以揀股都係大隻內房優先，香港地產股方面，太古地產(01972)升得特別靚，部分原因可能係炒作國泰航空(00293)業務有起色。
