【Now財經台】太古(00019)中午出咗業績，半年多賺1.2倍，主要靠飲料、航空業務撐起呢份業績，地產業務表現就相對弱，呢份業績係咪都收貨？近年太古都係靠派息及回購吸引投資者，今次中期息都派多咗，重返2019年疫前水平，現水平值唔值得部署？
耀才證券研究部總監植耀輝指，呢份業績係收貨，但冇驚喜，太古3大業務中，地產預咗唔會有咩表現，航空業務即係國泰航空(00293)都預咗會虧轉盈，有較好表現，飲料業務就係呢份業績亮點及有驚喜，主要受惠於復常及公司嘅部署係。
Stanley又指，今次中期息增幅唔算特別吸引，但公司之前話賣咗美國可口可樂會派特別息，加上現金多負債水平又唔算特別高，同埋公司唔排除進行新一輪回購，呢啲因素都會對股價有支持及幫助。佢續指，太古現水平仍有值博空間，如果有貨就繼續揸住，如果冇貨就等股價回調5%至10後再買入。
