【Now財經台】內銀盈利增長能力持續疲弱，單睇頭5間第2季盈利最高銀行，按年平均只增長3.2%，其中，工商銀行(01398)、中國銀行(03988)按年更要持平，不過，招商銀行(03968)雖然純利金額墊底，但盈利能力好過其他上榜嘅四大行。
資深銀行家王浵世指，其實市場較少關注嘅二三線城市嘅小型銀行及農村商業銀行，盈利表現反而好過大型銀行，可以反映到近期資金大部分轉移至邊類銀行。
他續指，招行盈利增長勁，原因係該行主要做零售業物，從中賺取嘅費用及佣金收入(fee and commission income)相對穩定及實在，令招行喺依家嘅經濟環境下，仍可保持唔錯嘅增長。佢又認為，與其攬住四大行淨收息，不妨研究下二三線內銀嘅業務表現揀股。
