【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、碧桂園(02007)、比亞迪股份(01211)、新奧能源(02688)及快手(01024)。
新奧股價暫時已連升第7日，今朝愈升愈有，更突破20天線，即62.6元水平，中午收報64.25元，升逾3%。花旗指，依家係買入新奧嘅好時機，到底有咩因素可帶動股價持續向上？
資深證券分析師彭偉新指，新奧8月下旬公布中期業績後，股價大跌，其後控股股東密密增持，噚日又公布用最多1億美元，喺市場購回股份作獎勵計劃，認為公司趁低價吸納，令市場留意到公司估值已去到超值水平，吸引部分資金入場。此外，北水過去1周「眷顧」燃氣股亦對新奧股價有支持。
Castor又話，新奧股價今日升穿20天線，估計短期會進一步上升，如果以5月高位回落而形成嘅跌幅，即逾38%作反彈目標，股價有望彈上77.5元水平。
