【Now財經台】恒生投資管理上周二(19日)係接替美資行道富環球，成為盈富基金(02800)經理人滿1年，過去1年，恒生指數明顯跑輸亞太及歐美股市，個別月份更「熊」絕主要市場。雖然盈富基金股價過去近1年幾乎冇升跌，但資產規模及發行單位仍創24年新高，應該點解讀呢個情況？
恒生投資管理董事兼行政總裁李佩珊指，現時環球市場走勢主要受政策變動及宏觀變數影響，因此，傳統嘅基本面分析已用唔著，不過，睇返港股，股票市盈率(PE)低於過去10年平均水平，仍有一定吸引力，但投資者已較難靠分析基本面揀股，喺呢個情況下，用指數投資捕捉市場反彈機會嘅勝算會增加。
Rosita又指，大部分主動型基金都跑輸指數，24隻基金中僅3隻可以跑贏指數，反映喺波動市況下，被動型基金有投資價值。
至於盈富資產規模及發行單位仍可創新高，佢就話…
