【now.com財經】噚日朝早出咗隻恒指牛(54934)，平均買入價為0.054元，小時圖10線喺下半場初段已經到晒；保本為上作前題，貪心鬼等睇中軸。
下半場開市後見五分鐘圖保歷加通道口拓闊，加速指數向上並衝向貪心鬼目標價20線，終於喺1點35分，見指數上到16600點之後無以為繼，指數向下回落，但對於(54934)嚟講，已經完成任務，20線已掂到(的確只係上到，無再大咬見會企穩，因為已經企穩咗10線好叻豬架啦！)，由當時達標後起計10分鐘作為走貨時間的話，期內(54934)高低位做過0.072元/0.063元，平均賣出價為0.0675元，呢一趟平均賺幅有13.5格或25%。基本上已經可以直接收工，不過完咗注好倉之後喺作戰室繼續，反手應戰。
坦白講恒指小時圖條中軸線基本上由11月24日開始失守至今都從未上返過去，一頂低於一頂嘅走勢出現，依家9點18分未完U，擺位見喺10同20線之間，一旦10線失守，指數向下尋底之路未結束。噚日Moody’s發功將香港評級展望由穩定下降至負面，而今朝再有新聞出話Moody’s將八間內銀，阿里(09988)同騰訊(00700)等評級展望降至負面，怪不得恒指今日再低開之後，又再向下衝，暫時依家9點37分低位見過16,325點；轉個頭望下我家肥貓搞乜，再望返個市，恒指再次迫近16,300點。
好貪心想睇多次指數落到16,228點年內低位之後會唔會再創新低，尤其是個小時圖，會唔會再頂低於一頂，恒指熊(61949)，收回價16,647點，同現價有約440點距離，市場上最貼價熊證，槓桿有三十幾倍，咁趕係因為恒指已經穿咗16,228點，又嚟稿都未完就行咗我想講嘅嘢啦，作戰室係咁食啦！
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
