【Now財經台】海吉亞醫療(06078)下調今年盈利指引後，隨即炸冧股價，今日(12日)一度急瀉近25%，見52周低位，股價今日反應係咪太誇張？
華盛證券財富管理部董事李偉傑認為，依家每當有股份業務表現略為差過大行預期，股份就會出現龐大沽壓，海吉亞下調全年經調整淨利增長至介乎17%至20%，低過大行估計嘅25%，導致股價今日急瀉，但Jason認為，其實同大行估計唔係相差太大，股價今日跌到咁有反應過度之嫌。
Jason又指，海吉亞今年業務表現其實唔算差，集團主要從事腫瘤醫療業務，業務彈性低，收入又被動，但今年收入增長30%，盈利亦增長近20%，表現已交到貨，只係市盈率(PE)喺行業中屬偏貴，盈利指引又低過預期，股價先跌咗落去。
