【Now財經台】海爾智家(06690)計劃以6.4億美元，折合近50億港元，收購在紐交所上市開利集團(Carrier Global Corporation)旗下商用製冷業務公司(Carrier Refrigeration)100%股權，喺環保及環境、社會及企業管理(ESG)趨勢下，商用製冷業減少用唔環保嘅物質生產，目標公司擁有天然冷媒技術，若海爾智家業務由家庭製冷市場擴至商用零售製冷業務，協同效應有幾大？
艾德金融聯席董事陳政深指，今次收購價唔算高，海爾智家絕對有能力應付呢單收購，暫時睇唔有協同效應，雖然兩家公司涉及唔同嘅白色家電品牌，但依家講緊開利嘅冷庫業務，不過，海爾智家可透過今次收購擴大整個產品線。
股價方面，Ryan指，今次收購唔會對海爾智家造成資金壓力，但另一方面，由於收購規模小，唔足以帶動公司體業務增長，所以股價今日冇乜反應。
