【Now財經台】港股今日表現認真麻麻，指數拾級而下，周一(11日)更一度失守16000點關，即市低位見過15972點，今日(15日)終於有個似樣少少嘅反彈，恒指一度飆逾500點，2023年只剩返8個交易日，呢個反彈可唔可以持續？
勝利瑞柏基金管理合伙人暨投資總監陳建良認為，港股今年已經跌完，估計今年餘下時間可以守住16000關，而呢浸升浪好大機會持續至明年1月中。佢又話，美國聯儲局「放鴿」係支撐港股最主要因素，由於美元下跌，人仔自然有得升，都對港股有提振作用，資金成本亦可望下降。
此外，港股沽空情況明顯收歛，以盈富基金(02800)為例，沽空比率之前日日達70%以上，近日就得返單位數，KL認為，港股今次反彈係平淡倉所致，依家有一定夾倉壓力，尤其係狗股，佢又指睇好狗股表現，尤其係內需板塊。
