【Now財經台】截至早上11時止，1小時內《彭博》用戶搜尋量最多港股，依次為建設銀行(00939)、農業銀行(01288)、華晨中國(01114)、吉利汽車(00175)及快手(01024)。
今年追蹤大盤指數嘅交易所買賣基金(ETF)，例如華泰柏瑞滬深三百ETF(510300)係最活躍嘅ETF之一，十大持倉有茅台、寧德時代、招商銀行(03968)、興業銀行，內銀係咪可以曲線受惠？
富途證券高級策略師譚智樂指，內銀股今年一直跑贏大市，恒生指數自15000點水平彈返上嚟後，資金特別留意內銀股，雖然唔係大升，但好多國有大型銀行股嘅股息近8厘至10厘，反映市場擔心經濟狀況，尤其係內房相關風險，導致資產質素會喺未來嘅業績中見到有惡化情況。
佢又認為，如果投資者想短炒，可以考慮內銀股，但要有心理準備唔會有好誇張嘅潛在升幅。
