【Now財經台】港股踏入龍年升勢持續，恒生指數今日(16日)一度大升逾400點，板塊方面，啤酒及白酒股表現比較搶鏡，其實呢啲股份大時大節前後都會炒返轉，其中，之前跌咗唔少嘅白酒股珍酒李渡(06979)，今日一度勁升近22%，升穿9元關口，呢類白酒股新年過後仲可以炒幾耐？
紅蟻資本投資總監李澤銘認為，白酒股新年後較難炒上，因為要面對一個較漫長嘅淡季，內地下個旺季係「五一黃金周」，投資者都唔會有耐性喺高位買入再等幾個月，因此，呢啲受春節效應帶動嘅股份，新年後會有較大調整壓力。
啤酒股方面，Alan認為，啤酒係較難加價，依家各大酒廠都走向高端化，推出高端啤酒，透過產品結構調整提升單價及毛利，睇到華潤啤酒(00291)及青島啤酒(00168)進度都唔錯，雖然遇上消費降級形勢，可能會窒礙高端化發展，但趨勢唔會有太大改變，短期會面臨兩大壓力，分別係...
