【Now財經台】信義系今日(8日)跑出，其中，信義玻璃(00868)升逾5%，信義光能(00968)就係升幅最大藍籌，其他光伏股都升得唔錯，係咪炒「兩會」因素？大行相信，光伏玻璃4月有望加價，內地今年5%嘅經濟增長目標可唔可以刺激商用需求？
亨達財富管理董事總經理姚浩然認為，今年「兩會」概念都係舊瓶新酒，唔算有好多特別內容，所以市場開始玩「板塊尋寶遊戲」。由於去年上半年行業庫存幾高，拖低價格及毛利率，直至年中庫存開始減少就有改善，加上今年「兩會」有相關話題出現，光伏板塊就成為炒作對象。
佢又指，當經濟回穩時，市場對光伏產品會有一定需求。睇返業績，信義玻璃下半年利潤明顯高於上半年，反映業務下半年有改善。
