【Now財經台】據《路透》引述消息指，李寧(02331)創辦人兼主席李寧正考慮牽頭籌組一個財團，私有化在港上市的同名公司，刺激李寧股價一度抽升20%，更觸發市調機制。值得留意係，依家李寧市值約600億元，股權都幾分散，大股東非凡領越(00933)僅持股10.49%，連同主要股東合共持股約15%，投行持貨亦唔夠5％，私有化係咪較難成事？
華盛證券財富管理部董事李偉傑認同私有化有難度，主要係單一大股東非凡持貨唔多，要準備400億元資金亦有一定難度，就算行進入私有化進程，亦須交資金報表證明有足夠財力，Jason唔認為股東會願意攞幾百億出嚟，能唔能夠通過投票一關都係疑問，就算係1年前嘅李寧都有難度，因此，佢認為成功私有化嘅機會唔大。
