【Now財經台】雖然思摩爾國際(06969)去年少賺34%，但股價今日(19日)表現唔差，僅早段曾短暫向下，之後好快倒升，並愈升愈有升，午後一度升近10%。思摩爾曾經係北水愛股，但近年歐美及內地相繼收緊對電子煙嘅規管，公司將電子煙改稱為「霧化產品」，不過，全球電子霧化設備市場冇萎縮之餘，更逐年增長，截至上周止，北水持倉仍有約9%，係咪意味電子煙市場仲有發展空間？
華盛證券財富管理部董事李偉傑指，電子霧化設備市場的確仲有發展空間，雖然吸煙人數少咗，但唔算太明顯，雖然歐洲加強監管，但銷量仍十分理想，反映思摩爾喺歐洲監管加辣下，仍可合法生產，保住市場分額。
Jason又指，市場嘅發展空間係視乎唔同地區對電子煙嘅監管力度，依家因為受內地政策不明朗因素影響，所以思摩爾要將「戰場」由內地轉移至海外，但仍有發展空間。
