【Now財經台】近期旅遊股攜程集團(09961)股價反覆向上，嚟緊就係復活節及清明節假期，有冇資金提前部署攜程？依家市場上只有攜程認股證，資金開CALL多，還是吼PUT？
中信里昂股權衍生品銷售經理李佳原指，復活節假期可以留意海外遊客有冇多咗到內地玩，對內地遊客嚟講，下周嘅清明假期先係戲肉，尤其見到年初春節假期嘅旅遊數據唔錯，而攜程係旅遊概念龍頭，如果睇返業績，旅遊業務佔比係最高。
資金流方面，李佳原表示，攜程CALL輪都有唔少捧場客，過去10個交易日，CALL輪有7日錄得正流入。PUT輪方面，早前攜程股價下試330元重要支持位時，PUT輪都有資金流入博穿底，但攜程股價仍守得幾好，仲彈上335元樓上，投資者可以留意後市有冇更多資金做好倉做部署。
