【Now財經台】中國石油股份(00857)昨日(25日)出咗業績，去年多賺逾8%，派息0.23人仔，高盛指派息符合預期，而集團自由現金更創新高。超短身、1個月就到期嘅中石油CALL，行使價7.68元，價外17%，但槓桿做到15倍，博唔博得過？
中薇證券研究部執行董事黃偉豪指，短身CALL嘅時間值損耗快，唯一可以博短線價內有好大爆發力，覆蓋時間值損耗嘅問題，加上呢隻CALL價外幅度有一定比例，想博就要抱以小博大、可能會輸嘅心態，小注去博，如果博到，回報會幾吸引，值博率大。如果睇好中石油前景，建議投資者揀較長身，槓桿唔高嘅CALL會更值博。
