【now.com財經】噚日先執咗恒指熊(53368)同埋恒指牛(51777)出嚟做兩手準備，於噚日上午出文後喺五分鐘圖上見Slow STC(14.3)出觸頂，於是用咗隻(53368)出場，平均買入價為0.033元。如常的用返Swing Trade方法去做，即等Slow STC(14.3)落返去超賣水平。
下半場開市後，指數同Slow STC(14.3)兩線都有齊齊向下，但都知道步速一定唔會同上半場一齊咁快。而喺大約1點25分，即係噚日出文嘅時間左右，Slow STC(14.3)兩線都落到20初段嘅位置但未見入到超賣，安全起見Set好10線作為量度線，話口未完，佢就過線啦。
喺1點45分見指數同Slow STC(14.3)抽高而唔再hold隻(53368)，如常的用返10分鐘作為走貨時間的話，期內高低位做過0.04元/0.037元，平均走貨價為0.0385元，呢一趟計埋lunch time時間，持貨約3小時左右，平均執5.5格或16.67%。
返埋今日終於可以放一個長少少嘅假期，相信都已經有唔少人今日或者再之前已經飛走咗；留港嘅，留意天文台話呢幾日天氣不穩，行雷閃電隨時出現。
今朝恒指走勢好飄，嚟到依家9點56分，作戰室都未出到第一注貨，不過呢啲嘢無時間限制嘅，即使今日全日唔出倉，等收工收上機都無人會話你。
嚟到10點10分，作戰室舉咗手嘅都係揸住淡倉喺手，maybe因為牛熊證街貨見下方牛證比較多啦，而喺小時圖上見指數行出「圓頂」，不過頸線都真係未穿，even到依家呢一刻都係未穿，但要再等睇佢喺頸線上穿唔穿，怕且都要11點先知。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容【開市前速報】，七日免費試用：https://www.patreon.com/join/cbbcwar
