【now.com財經】噚日喺上半場時段快手執咗幾格牛證，正數後下半場其實佢行成點我都唔係太過著意，如果有玩開Day Trade嘅話，可能都會知道大多數指數郁嘅時段都會係喺上半場發生；所以點解作戰室戰友可以玩到Day Trade又返到工，就係咁解。
今朝起身睇新聞，見到右下角loop住亞股同隔晚美股點數，都心知今日港股應該都係唔開胃嗰隻，果然開市跌13X點後，作戰室淡倉一直陪到指數穿161,00點，將第一層牛證收回後，依家9點56分，恒指跌幅收窄，10點未到暫時喺五分鐘圖上畫到「長方形」出嚟。
等到10點打後見指數於小時圖上出現接近「錘頭」物體，燭身有啲厚所以難count佢係，雖然保歷加通道口收窄中，限制住指數再下行空間，不過Slow STC(14.3)又未轉勢，借小時圖出倉怕且都要等等佢會唔會企住喺條量度線上等保歷加橫行。
繼續跟進喺Watch List裡面嘅SPDR金ETF(02840)。單位價格喺噚日其實都有跟住市落返去，最低見過1,713元，同10線1707元爭6元，懶得等、勁心急同無耐性嘅話，的確可以喺拎返隻早幾日揀定嘅S金Call(24063)，重新再睇下佢嘅條款都未見走樣，可以用得返。
按噚日S金一開市就落到去1,713元低位，同步五分鐘圖見Slow STC(14.3)都處於超賣水平，基本上可以送隻(24063)出去。但唔搞到咁複雜啦，假設噚日S金挨近10線，就當全日都可以買(反正S金本身都唔係日內波幅好強嘅ETF)，(24063)全日都入得嘅話就用噚日高位低0.238元/0.226元計平均買入價，即為0.023元。
今朝開市恒指向下再落嘅時侯，S金單位價格其實係逆市造好，隻(24063)幾時食真係隨得你，可以當你睇完之後即刻收割都可以；只係提番今日星期五，同埋袋咗落袋先至係錢呀！
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容《開市前速報》，七日免費試用：https://www.patreon.com/join/cbbcwar
