【Now財經台】比亞迪股份(01211)昨日(29日)公布首季業績，純利按年升近11%至45.7億人仔，每輛車利潤按季跌22%，季度增速創2022年第1季以來最慢，不過，大行普遍收貨，指季績符預期，較多資金追捧淡倉，比亞迪今日(30日)股價見今年高位，績後仍然走勢強勁，係唔係適宜追好倉？
中薇證券研究部執行董事黃偉豪指，暫時唔建議部署好倉，雖然比亞迪今日股價能夠企穩高位，但目前汽車行業仍面對減價壓力，即使比亞迪嘅業績較同業相對穩定，但公司利潤大部分來自低價汽車，利潤空間容易受壓，若難以提升利潤率，股值缺乏上升空間，就會影響股價，加上比亞迪股價下一個重要阻力位置係250天線，距離現價僅差10元，值博空間唔算大，因此依家應該先觀望，再審慎部署。
