【Now財經台】截至早上11時止，1小時內《彭博》用戶關注度上升最多首5隻港股，依次為美團(03690)、龍湖集團(00960)、美高梅中國(02282)、新濠國際發展(00200)、華潤置地(01109)。
美團股價創逾半年新高，半日升最多逾8%至119元，暫時係升幅第2大藍籌。據集團數據顯示，內地「五一黃金周」假期住宿及交通等預訂量大增。椽盛資本投資總監曾永堅認為，「五一」概念只係短期股價催化劑，更重要嘅係美團利用顧客黏性嘅優勢拓展旅遊業務，成功擴闊盈利增長基礎。
此外，中信証券指，美團股價已明顯修復，更成為該行重點推薦股份。Jaseper續指，美團近期沽空比率不斷下降，大量夾倉盤推升股價，自逾1年低位61.1元升穿埋250天牛熊線，技術上開始突破2021年以來嘅下降軌，預期股價短期持續強勢。
