【Now財經台】蘋果公司(Apple Inc.)今晚(7日)舉行春季發布會，預期新iPad Pro及iPad Air將會亮相，今次就冇iPhone，但喺換機潮下，比亞迪電子(00285)係咪可以受惠？比電股價之前一度跌至23元水平，之後彈返上去，最新已上到30元水平嘅阻力位，比電股價後市會點走？
華盛證券財富管理部董事李偉傑指，比電業績係跑贏同業，雖然搵唔Apple業務對集團貢獻有幾大，但海外業務收入佔比係不斷上升，去年已去到逾60%，手機業務方面，集團係造鈦金屬外殼，呢個都係近年大行其道嘅產品，佢認為，未來相關業務都會繼續upgrade，係一個唔錯嘅發展方向。
股價方面，Jason認為比電有機會挑戰2月、3月高位，即32元水平，雖然新iPad未現身，但市場已偷步炒作，短期目標係升穿32元，中線有機會上試37元水平。
