【Now財經台】朗廷(01270)確認母公司鷹君(00041)唔會提私有化，之前喪炒私有化憧憬嘅朗廷，股價今日(3日)即刻散晒，股價今朝裂口低開逾14%後，跌幅一度擴大至逾45%，低見0.53元，創新低，收市仍重挫38%，收報0.6元，全日成交金額逾2780萬元。
朗廷股價之前突然飆升，因為公司收到鷹君書面通知，有意私有化集團及撤銷上市地位，不過，鷹君最終決定唔私有化朗廷，相信之前博私有化嘅投資者都輸唔少。
傳出私有化消息前，朗廷股價一直喺0.6元上落，係行業前景冇明顯改善下，相信後市又會去返呢啲位置橫行波動。
