【now.com財經】這邊廂啱啱新聞話今日最熱34度；那邊廂我阿媽話今日係立秋(?!)呢排啲天氣熱到好似吽打風之前嗰種熱，但事實又唔係喎，天文台都無話打風，又記得之前聽一個電台節目有請過天文台嘅人員上去講解嘅時候，都話呢啲「反常」嘅天氣開始會變成「正常」。
Maybe恒指依家「升半個月、跌半年」咁嘅玩法，由201X年嘅時侯睇返落嚟，都係「反常」變「正常」。
今朝指數先開升37點，報16684點，都真係有諗住港股都係繼續向下碌，重複噚日高開低走嘅動作之際，竟然10點未到將升幅擴大至升逾200點，上到去16,850點樓上。作戰室今朝好倉出動已經有戰友爬完格仔OR出咗隻風箏出嚟啦。
望望鐘依家9點55分，小時圖上已經一支「大陽燭」插住喺10線之上，順便破埋條20線，Slow STC(14.3)兩線仍然保持指住超買方向。去到10點打後見10線亦有似同20線重疊，出雙線支持比指數，只係保歷加通道口仍然收窄中，Swing Trade係有但頂線向下嘅話都有限制住指數上行高度。
反去望多眼五分鐘圖見指數喺高位16,903點出咗接近「射擊之星」嘅物體，不過都仲未打到指數落嚟，的確「射擊之星」都真係可以失效。
恒指牛(55807)，收回價16,400點，同現價有約400點距離，槓桿有約35倍，低街貨之選。目前指數仍然企喺16,850點附近，五分鐘圖上見借到平均線企穩，或者借到小時圖10/20線重疊而出動可以；安全嘅亦都可以用返五分鐘圖嘅Slow STC(14.3)出觸底而出動亦得。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
