【Now財經台】去年派返息嘅賭股只有美高梅中國(002282)、永利澳門(01128)及銀河娛樂(00027)，澳門博彩業前景似乎仍有隱憂，會唔會導致賭股派唔到息？此外，銀娛下周四(15日)會出業績，一旦集團宣布恢復派息，可唔可以令投資者對賭股重拾信心？
亨達財富管理董事總經理姚浩然認為，大部分澳門博企已過咗高資本開資階段，派息壓力會細咗，所以唔需要擔心派唔到息。不過，要留意賭股盈利或會減少，始終過往有5厘，甚至更高嘅股息率，但依家可能只得2厘至3厘，反觀其他板塊如石油、電訊、銀行等，股息率更高。
銀娛方面，未來要睇整個行業嘅發展狀況，7月屬暑假旺季賭收一般較好，雖然銀娛上月收益增長約5%，跟去年同期嘅10%仍有一段距離，Patrick又話，呢個情況反映銀娛喺旺季賭場人流都冇增加，難免令市場有憂慮。
