【Now財經台】港股進入業績期，上周已派咗中期成績表嘅太古地產(01972)，雖然半年少賺19%，但因為公布回購計劃，帶挈股價績後走強，單日飆逾11%，今次回購對投資者嚟講有咩啟示？
安泓投資總監兼香港大學房地產及建設系客席副教授楊書健指，本港業主大部分資金充裕，以致本港借貸率較外國同類市場低，即使有單位空置亦唔心急出租，令租金回落速度比其他市場慢。
Victor又話，太古今次以回購谷高股價係合時嘅融資策略，唔少其他本地企業近年都做回購，一般嚟講，目的係令市場知道公司冇資金壓力，不過，Victor又指，太古今次回購亦可能意味，雖然公司有多餘資金，但又唔想做大規模買嘢，所以選擇做回購。
