【Now財經台】361度(01361)上半年多賺12%，收入增長19%，核心產品鞋類及服裝收入都錄得雙位數增長，中期息大增1.5倍，不過，毛利率就跌至41.3%。361度今次交咗一份唔錯嘅業績，呢個勢頭可唔可以持續落去？
博威環球證券金融首席分析師聶振邦指，361度業績整體表現唔錯，但可能未完全反映喺股價上，361度收入集中於童裝，值得留意係，兒童業務佔比喺2019年僅約12%，今年上半年已升至24%，反映成年人好願意為小朋友消費，估計童裝收入未來仍然係主力，而且仍有上升空間。
面對消費降級，聶Sir就話，所有零售商都要調整策略應對，佢認為361度嘅市場定位係正確，所以業務前景可以睇得樂觀啲。
