【Now財經台】高偉電子(01415)昨日(15日)出咗中期業績，股價今日(16日)愈升愈有，收市大升近11%。雖然中期收入按年增長近60%，但按年少賺11%，主要受資本開支倍升及成本上升影響。不過，集團近年有開拓新產品，對集團下半年業績及毛利率有冇幫助？
註冊財務策劃師協會會長黃敏碩認為，高偉下半年發展將會出現有突破，考慮到部分定單跟蘋果公司(Apple Inc.)掛鈎，若Apple推新iPhone及人工智能(AI)，相信表現會唔錯，加上下半年業績一般比上半年好，而上半年表現已超預期，因此，估計下半年表現會更強勁。
對於高偉毛利率受壓，Michael認為，若Apple推新iPhone並有AI配合，相信可提升競爭力，要推高毛利率應該唔難。佢又指，高偉近年拓展新產品，包括激光電達、虛擬現實(VR)及擴充實景(AR)等，若現階段可以配合AI發展，相信對業績更有利。
