【Now財經台】特步國際(01368)今日(20日)中午出咗業績，股價午後一度抽高逾5%，集團上半年純利及收入都有增長，派息亦有增加，自主品牌表現穩健，新品牌喺內地增長亦強勁，但值得留意係，收入增速已連續兩年放緩，係咪受內地消費疲弱影響？下半年前景又係點？
信達國際研究部董事趙晞文表示，依家不論零售市道及消費信心都處於近年低位，導致整個零售市場受到一定衝擊，所以要視乎個別上市公司嘅市場定位去做分析，特步嘅市場定位係大眾品牌，所以單睇集團下游品牌表現，上半年收入能夠錄得10%增長，表現已經唔錯。
晞文又話，要分析整個行業前景，有兩個關鍵績效指標(KPI)可以留意，分別係…
