【Now財經台】首次宣布有意做回購嘅敏實集團(00425)，股價今朝(22日)裂口高開近5%後，升幅一度擴大至逾11%，高見11.98元，升上逾1個月高位，中午收市升近7%，報11.44元，成交股數較過去100日同時段平均增加約4倍。
敏實股價今日價量齊升，除咗中期純利好過預期，亦因為公司開市前話有意做回購，係2005年上市以來首次，公司計劃斥資最多5億元做回購，其實規模唔算細，因為以股份今年日均成交金額6771元計，回購金額相當於約7.5個交易日嘅成交金額。
技術走勢方面，敏實14天相對強弱指數(RSI)升至60，今日成交收復50天線，但仍有少少阻力，雖然收復咗50天線，但都要留意股價仍受制於2023年中延申出嚟嘅下降阻力。
