【Now財經台】截至早上11時止，1小時內《彭博》用戶搜尋量最多港股，依次為海底撈(06862)、中國平安(02318)、龍湖集團(00960)、東方海外國際(00316)及萬科企業(02202)。
平保昨日(22日)收市後出咗業績，半年多賺近7%，中期息0.93元人民幣。中信里昂指，平保呢份業績符合預期，喺充滿挑戰嘅環境下，業務表現仍然穩定。平保股價今日(23日)重上50天線，如果企得穩，仲有冇上升空間？
大華繼顯執行董事梁偉源指，平保出業績前，大行對保險業睇法比較悲觀，主要係內地經濟及A股表現都唔好，平保有房地產相關投資，導致平保及其他保險股表現唔好。
Steven續指，平保喺咁困難嘅環境下，主要業務壽險嘅新業務價值仍增長11%，估計全年增長10%，事實上，市場對下半年新業務價值增長睇法樂觀，現時資金已重新流入平保，加上市場對下半年業績有憧憬，股價有機會收復失地。
