【now.com財經】今朝一早起身就無厘頭地趕工作，趕到依家10點都未完，所以今朝確實是Miss咗喺作戰室同大家一齊出好倉嘅動作，不過我都喺稍後時間跟上大隊，好倉一齊出動博睇今日指數可以企到上17,800點樓上之後再慢慢上行。
依家已經10點9分，指數喺五分鐘圖上亦開始見到定住喺17800點呢個位附近，似乎等五分鐘圖嘅10線上嚟，借得到線再上固然係爽，不過都要留意返小時圖同日線圖嘅Slow STC(14.3)都上到超買位，如果要指數再上的話，一係比條件Slow STC(14.3)出超買再超買，一係等指數稍回落平均線企住，同步鬆一鬆條Slow STC(14.3)之後先至再上。
所以，喺呢度如果用返小時圖捉Swing Trade的話，咁就有難度啦，隨時有水尾之嫌。換返五分鐘圖出嚟做一趟快手Swing Trade相對會比較好。
依家10點18分，見五分鐘圖上指數仍然企喺17,800附近，整條保歷加通道向上之下，指數唔郁但10線已經「上破」指數，如果再係咁落去的話，下一條會上到指數前嘅線應該就係條中軸。
「吓？咁指數咪即係唔郁？」啱呀，某程度上依家指數有似等啲線埋嚟比佢借嚟企，進取嘅依家低走10線出淡倉再博到中軸唔阻止，但乃念依家指數企住喺保歷加「上升通道」，安全嘅睇埋條保歷加中軸，過到中軸順得埋Slow STC(14.3)向下嘅話，恒指熊(64731)，收回價18,200點，同現價有約384點距離，槓桿約39.6倍夠做Day Trade架啦，依家10點半左右，等多陣啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
