【now.com財經】噚日揀咗隻恒指熊(64731)出嚟，平均買入價為0.05元，有擔心指數落到17700點附近見支持會推返指數向上，所以都講定要留意保歷加通道口走勢，如果無拓闊而Slow STC(14.3)出觸底的話，咁(64731)都難以再留。
以噚日Patreon出文時間為1點11分，如常的用10分鐘作為睇文時間的話，則於1點21分再睇返個走勢圖，見當時指數有再向下壓過去掂50線，同時與17,700點愈來愈近。及至1點25分，指數同Slow STC(14.3)已經出咗觸底走勢，(64731)策略上無得留底。
同樣用返10分鐘時間走貨的話，期內(64731)高低位做過0.053元/0.052元，平均走貨價為0.0525元，呢一趟平均有2.5格或5%正數，和到個手續費之後都仲有杯思樂冰嘅。
隔晚美股拼多多(PDD)跌幅真心嚇人，還好整體指數都唔係被佢拖低得好多，及至港股開市，跌134點，開市報17,663點，日線圖上條100線得而復失；不過是但啦，Slow STC(14.3)捉到咁高大家都知道點都會回一回，鬆一鬆線，如果唔係今日點會有咁多遠熊坐喺度啫。
今朝作戰室第一注都係出淡倉，不過都係等指數喺五分鐘圖上見17,700點似有阻力，推返指數落去先至敢出，且都係爬下格仔咋。
嚟到10點打後，見指數有做多次日內新高17,723點，而換個小時圖見，指數本來被10線壓住，但再等多一陣，又係好似噚日咁唔覺唔覺向上壓返上去，依家10點29分見指數串住返小時圖嘅10線，想借線唔過而出淡倉都好似有啲難。
再等到依家10點39分，五分鐘圖上見指數有似補返今朝嘅下跌裂口，好倉喺作戰室進行且戰且走策略，無計佢上吓停吓，又上吓停吓咁，只能一鼓作氣的守過去。
作戰室好倉出咗，而望望鍾都10點44分，睇得嚟都11點，如果小時圖成功爬返上10線的話，恒指牛(68133)，收回價17,328點，同現價有約380點距離，槓桿約41倍夠做day Trade架啦，留意埋Slow STC(14.3)，佢轉埋向上仲正！
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
