【Now財經台】「3桶油」已全部派發中期成績表，盈利增長最勁係中國海洋石油(00883)，雖然國際油價弱勢，但中海油桶油主要成本每桶僅27.75美元，即使油價跌，盈利能力係咪都維持到？股價調整到咩位可以吸納作中長線部署？
耀才證券研究部總監植耀輝指，中海油估計，明年產油量將會增加，若明年增產，桶油成本控制得宜，估計盈利能力會唔錯。有大行唱淡油價，指明年或跌至每桶60美元樓下，呢個要取決於唔同國家嘅經濟狀況，而「3桶油」之中，不論經營狀況及前景，中海油都可以睇高一線。
Stanley又話，油價短期走勢唔樂觀，中海油股價有機會再下試前低位，建議用上一輪低位，即18.7元作為止蝕位，冇貨投資者可以再觀察多一段時間。
