【Now財經台】澳門9月賭收逾172億澳門元，按年增長逾15%，高過預期，但按月跌逾12%。賭股今朝(2日)個別發展，其中，美高梅中國(02282)一度7.7%，高見13.36元。如果按月計，9月賭收係今年最差嘅一個月，數據反映咗乜嘢？10月賭收又點睇？
中泰國際策略分析師顏招駿表示，9月博彩收入按月下跌係預期之內，因為9月係傳統淡季，由於內地消費信心持續疲弱，加上奢侈品消費數字亦顯著下跌，唔少旅客出行、博彩意欲都較低，拉低咗9月嘅賭收。
不過，佢認為，今個國慶長假期可能因港股近期大升帶來嘅財富效應，旅客消費信心會大增，但要留意中央提出嘅政策「組合拳」，始終係一個框架，賭收短期未必可以直接受惠，相信要等政策真係「落地」後先見到成效。
