【Now財經台】早前，據《彭博》報道，內地正加強向內企施壓，要求內企加大採購國產晶片嘅力度，幫手扶持國產晶片設計之餘，亦可以幫生產商搶到更多市佔率，並為應對美國加強科技制裁做好準備，受消息刺激，在內地上市嘅人工智能(AI)晶片企業寒武紀、北方華創、中芯國際(00981)等，股價一度大升，而被視為最有力挑戰英偉達(Nvidia)嘅華為就冇上市，中央希望內企轉用國產晶片有冇難度？
易方資本投資總監王華認為，相信內企會陸續轉用國產晶片，差距會逐步收窄，但相信仍要一段較長時間，先有機會取代到外國晶片，主要係行業依家仍面對唔少挑戰，所以唔可能一時之間完全改變。
佢又話，要明白晶片本質及背後邏輯，因為市場會不斷傳出唔同消息，若明白晶本嘅本質，就可以減少對個人投資嘅影響。
