【now.com財經】噚日先食咗隻淡倉，去到【輪證下半Part】已經見到指數觸底回返上去，朝早揀嘅恒指牛(51753)仍然用得，指數跌過千點之後再抽高至跌幅縮到不足跌100點，話佢係奇跡都不為過；可惜就無喺文裡面留底出倉策略，但睇開文嘅你，應該無問題嘅。
指數噚日最後都係見紅收市，高位一粒「吊頸」，加上Slow STC(14.3)有少少見%K線低走於%D線，咁講，高位定住等返下面嘅平均線上嚟又好，等返啲牛熊近嘅又儲返多少少街貨又好，準備定下個星期北水嚟摻外資一腳都好，三個星期一下子追到上接近上年嘅高位，比人抖下都得掛。
可能大家都係捉緊/等緊呢啲轉角位，所以呢期啲資金流入啲淡倉都真係幾澎湃。Anyway，如前文所指目前市場大抽過後，輪證條款的確偏離，所以揀貨時都要加倍小心。
噚日收市後我位自命「股壇黑氣石」嘅老友黃生send咗個warning message比大家：警告⚠️ 我賣咗百度(09888)，仲Share咗佢嘅策略(aka諗法)，其實佢喺噚日任何一個價位走隻百度都係有賺，識得呢啲位走貨都應該甩得「股壇黑氣石」呢個名；話分兩頭...你哋開始發覺身邊嘅朋友平時唔多講股票嘅都講未？喺廁所有無偷聽到隔離兩個洗緊手嘅話題都係股票？再有單新聞話多咗好多人開trading account(whatever佢係邊度人、年紀幾大、喺邊度開...)
指數今朝開市跌98點，報22,015點之後，指數有再向下落，而作戰室亦都好快掟出第一注淡倉，還好大家都已經熟悉爬格仔策略。開市後15分都未夠，恒指已經話返比你知咩叫做好腰力。
始終指數擺位都係靠近熊證街貨層，好倉已經順返方向出動。確實今朝指數走勢比較Chok，唯有喺五分鐘圖框住個長方形玩/睇住先。
今朝都有喺作戰室上講指數高衝幾日過後到依家條街都真係無乜街貨，同時發行商都似乎追唔切，啲牛證今日最貼都仲係出到21,321點，如果指數決定喺高位定住等啲街貨儲返多啲先至再殺嘅話，咁連同之前嘅高衝走勢，留意指數喺日線出唔出「旗形」。
「旗形」塊旗今次畫到見「三角形」，仲要咁大點數同高速上落，真心唔容易玩，見4分鐘之後到10點，博指數可以喺小時圖10線企返穩嘅話，恒指牛(52522)，市場上最貼價牛證之中屬高槓桿、成交活躍證。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
