【Now財經台】近日滬深兩市炒作華為概念股，主要係華為早前公布，落實下周二(22日)晚上7點舉行「原生鴻蒙之夜」兼全場景新品發布會，類似蘋果公司(Apple Inc.)開發者大會發布iOS更新版本，A股日前已率先炒作呢個消息，今日(17日)就輪到港股嘅華為概念股發力，其中，中國軟件國際(00354)走勢相當唔錯，股價一度升近12%，但午後市況轉差，升幅不斷收窄至單位數，如果想短炒中軟國際有咩要留意？
艾德金融執行董事陳政深指，由於A股資金較難流出境外，以散戶較多，容易作主題式炒作，加上華為受美國制裁或業務拓展限制，市場憧憬華為會有技術突破，而港股投資者就傾向直接買該股份，而非相關概念股，因此，A股熱門嘅炒作未必能夠喺港股炒起，始終資金有更多其他選擇。
Ryan又話，短炒中軟國際要嚴守止蝕位，要留意20天線水平，以現價計，即5.36元水平，以呢個價定止蝕位亦係一個唔錯嘅參考，再往上睇嘅阻力位就係7.2元，所以有一定值博率。
