【Now財經台】阿里巴巴(09988)股價連跌第5日，續受制20天線，今朝(18日)一度低見95.3元，跌逾3%，市面上嘅熱門CALL，價外30%至50%，槓桿5至6倍，明年3月至4月到期，阿里股價今年高位係10月初嘅118.7元，熱門CALL行使價去到140元，算唔算太遠？
星展香港環球金融市場上市產品策略師鍾宛婷指，軟銀集團(SoftBank Group)昨日(17日)收市後減持阿里，拖累股價今朝一度跌至95.3元，但有北水趁低吸納。
輪場資金流方面，有資金流入好倉博反彈，價外30%至50%嘅CALL較多人揀，由於呢批輪證比較新，街貨相對較少，輪價亦相對低，投資者較易控制風險，槓桿做到5至6倍以上。佢提醒，呢類產品博反彈以短炒為主，入場時要留意引伸波幅回落會有影響，做部署要嚴守止蝕。
