【Now財經台】優必選(09880)今日(22日)價量齊升，股價今朝低開約1%後，好快已倒升，一度高見116.5元，勁升近30%，收市報107.7元，仍大升20%，成交股數逾500萬股，是去年底上市以來單日新高，成交金額逾5.3億元。
內媒1周前報道，優必選正式發布工業人形機械人Walker S1，聲稱係全球首款工業人形機械人，並已安排到包括比亞迪股份 (01211)在內嘅工廠training，可以跟無人物流車等協同作業，但Walker系列仲未為公司帶來好大收入貢獻，公司喺中期業績表示，未來會繼續加大投入，並專注Walker系列研發，有望帶來更多收入。
優必選股價今日重返「紅底股」，更一度觸及100天線，但呢個位似乎有啲阻力，後市要留意Walker機械人進展之外，Tesla稍後舉行嘅業績會，會唔會提及更多人型機械人Optimus，可能會對優必選有影響。
