【Now財經台】根據理想汽車(02015)第4季指引，估計交付量最少按年增長21%，收入就最多按年增長10%，蔚來(09866)及小鵬汽車(09868)則預期，下季交付量增長介乎逾40%至逾51%，收入增幅則介乎15%至25%。新車方面，理想下半年冇推出新車，蔚來推出樂道L60，小鵬就推出M03及P7+，3家車企第4季業績會唔會有驚喜？
耀才證券研究部總監植耀輝認為，理想冇推新車，加上基數較大，指引亦冇乜驚喜，反而蔚來及小鵬都出咗新車，加上市傳蔚來之後會再出多幾款新車，所以佢哋嘅指引會比較進取。不過，值得留意係，雖然蔚來銷售有增長，但賣得愈多就蝕得愈多，未來要留意呢個情況係咪會持續。
Stanley又話，3家車廠之中，蔚來及小鵬未來發展都應該唔差，不過，理想依家有錢賺，所以要3揀1就會揀理想。
