【now.com財經】先睇返噚日隻睇NVDA再揀咗隻輝達Call(10319)先，平均買入價為0.1525元。
今朝起身見隔晚美股造好，道指升成461點，而納指亦都有6點進賬，但我關注嘅NVDA，股價升0.54%都夠隻(10319拋高，依9點45分，隻(10319)輪價做緊0.175元。
其實呢啲美股輪如果有玩開嘅都知，輪價都係開市後反映咗隔晚隻Underlying走勢之後，基本上全日都可以扮蟹打橫行。如以0.075元作為走貨價的話，對比平均買入價都已經有22.5格或14.75%落袋。得架啦，本身都係Plan咗星期四買完星期五走嘅。
今朝恒指開升12點之後，指數低開高走到19,700點樓上又見指數，換個小時圖出嚟見指數噚日尾段時間向下穿過「平頂三角形」後，指數今日高走至19,700點少少aka小時圖50線之後，又被佢打返向下，整個形態變成指數用保歷加通道底線至50線做上落，而且仲要係一棍過，唔準諗即刻Trade；最慘嘅係呢個高度只係得81點...
指數都係難Trade。索性吼下隻泡泡瑪特(09992)好過，日線「圓底」過頸線再上，上個星期有同作戰室嘅戰友分享過，今日見股價已經追過埋阿里(09988)。
泡瑪Call(28810)，行使價88.88元，其實同現價有約7.02%價外距離，已經係最近嘅價外Call。日線見保歷加通道口拓闊+五條平均線順序排列，有正股嘅都真係可以繼續hold住；只係，日線圖見股價同10線抽高得太高，出Call預過夜都稍等先出手。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
