【Now財經台】美國公布新一輪限制向中國出口半導體嘅措施，市傳擬向中芯國際(00981)實施額外制裁，不過，中芯股價昨日(2日)不跌反升，今日(3日)輕微高開後，一度跌3%，低見25.6元，跌幅唔算太大係咪因為制裁力度唔算大？依家開好倉還是淡倉比較合適？
胤源世創家族辦公室(香港)第一副總裁黃偉豪指，中芯股價呢幾日冇太大反應，主要係市場預期咗美國會喺晶片方面對中國作出進一步限制，所以對股價衝擊唔會太大。此外，美國實施制裁後，間接令內地加大自主研發及加快國產化進程，所以有投資者借勢炒作呢類股份。
Ravi又話，近期市場都有炒作呢類股份嘅趨勢，認為可以博中芯短期好倉，股價方面，可以等股價突破20天線，即26.5元水平入場，目標價28元。
