【Now財經台】阿里巴巴(09988)斥資逾5億元入股南韓時裝平台ABLY，但股價今朝(4日)低開逾1%後，跌幅一度擴大至逾2%。近期阿里好倉受投資者歡迎，5日合計有1300萬元資金坐貨，係資金流入最多嘅個股，但阿里股價近期偏弱，啱唔啱做短線部署？
中銀國際證券衍生產品部董事朱紅指，阿里股價相對其他同類型嘅科技股較落後，現價距離10月初高位118元，累跌約30%，所以投資者都好關注阿里會唔會出現跌後反彈，因公司透露以人工智能(AI)明年繼續係發展大方向。整體來講，投資者普遍都係部署好倉，所以阿里CALL輪都值得留意。
Niki續指，可以留意行使價96至99元嘅CALL，明年中至10月到期，槓桿5至6倍，由於估計唔到阿里股價幾時會出現反彈，所以建議唔好揀太短身嘅CALL，反而年期較長嘅條款會較適中。
