【now.com財經】噚晚一行六位戰友一齊坐底圍爐飲酒吹水講笑，短眾兩個零鐘都已經玩得好開心；提早嘅冬至圍爐，希望大家用今年過得開心嘅心情去迎接新嘅一年來臨。
本來噚日見恒指重奪20天線，仲以為指數可以借線有望見得返個20,000點，不過今朝開市指數先跌163點，報19,578點，一下向下打返落去之後，還好指數於日線圖暫時都仲被10/20線夾住，算是下方有條10線有望接指數。
年尾可能都多零售商玩大減價，所以今朝見到貓砂特價，作為一個忠精嘅貓奴，市都唔睇訂咗先。訂完返嚟之後見指數向下低走過19,500點，依家10點14分，最低見過19,466點，同10天線19,450點，只係得返16點嘅距離；借佢彈返起上去的確好合理。
再計一計10天線同20天線嘅距離，得187點，大佬日線圖嚟架，咁點玩呀~
作者阿珊，以技術分析專心玩輪證，唔貪心，努力賺取我家肥貓罐罐。
