【Now財經台】滙豐控股(00005)股價過去1個月錄得單位數升幅，跑贏大市，集團上季業績靚，有息派之餘，又再開展30億美元回購計劃，近月亦有簡化組織及裁員等動作，加上洽售南非企業銀行業務嘅消息，以及積極重組業務及架構，以節省成本，滙控股價已連升7個交易日，累升約3.5%，今日(5日)暫時好淡爭持，投資者係咪應該趁機部署？
耀才證券研究部總監植耀輝指，滙控股價已升咗唔少，若純粹憧憬業務狀況係可以留意，但佢認為，抱收息心態買滙控會比較好，始終架構重組主要目的係減少開支，更關鍵係業務做得更好，不過，集團依家喺亞太區面對唔少挑戰，建議冇貨嘅投資者毋須心急入場，暫時可先觀望。
