【now.com財經】噚日指數真心悶，由10點起喺19,500至19,550點呢50點內橫行至3點前，有一段時間仲被壓縮到個區間得返30點添。喺3點打後指數先叫做比個方向出嚟，不過，都只係去到19,600點，變相個區間多極都係得100點左右，嘿；但又咁講，19,500呢個位都真係幾硬，姑且今日再睇下呢個位係咪接得住指數。
早個星期喺作戰室同戰友講隻滙控(00005)，哈哈，仲同佢哋講咗句「聖誕鐘買滙豐」，結果被佢哋話我呢個係「透露年齡Trade」；是但啦，即使做女一但最後咪又係要演人哋阿媽(我終於開咗套《影后》睇啦)。
恒指今朝開市升51點，報19,611點之後，如常的由五分鐘圖睇到日線圖都見有啲量度線頂住指數，本來Plan定指數開市後就向下回，但反過來開市後第一棍出大陽燭，將指數推高到差不多到19,700點之後見至再向下回，五分鐘圖「射擊之星」出現之後，戰友好醒地已經去咗淡倉。
仲有成11分鐘先至到11點，但睇咗個小時圖見指數雖然有企高過10/20線，但依家升幅已經收窄至升12點，報19,573點，變相小時圖得返條上影線喺度，如果指數喺10點打後被小時圖中軸頂返落去嘅話，咁又Lock得返19,600點呢個位做頂線位，嘿，又變返好似噚日咁；少少唔同嘅係，Slow STC(14.3)兩線喺小時圖上有見觸底樣。
10點後見小時圖擺位當然低於中軸線啦，不過以呢兩日指數都比較慢活嚟講，用返個五分鐘圖嘅話，今朝「射擊之星」出現之後，指數向下兩次到中軸線上都未穿得過，而按保歷加通道整條呈上，咁秤的話係出好倉比較似有方向。
恒指牛(62069)，收回價19,228點，同現價有約350點距離，槓桿有約43.5倍，低街貨嘛，五分鐘圖中軸線企好先至好出動；不然用返Slow STC(14.3)出觸底先至落場，當平時一注Swing Trade咁做。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
