【Now財經台】小米集團(01810)旗下小米汽車繼賣得唔錯嘅SU7後，多咗1個「新成員」YU7，集團喺官方帳號同大家介紹呢位新成員，睇返工信部資料，YU7係一部純電SUV，最高時速253公里，估計最快2025年6月正式上市。
網民一向鍾意討論小米汽車嘅外型，YU7車頭部分有可能係沿用SU7嘅設計，當日SU7面世時因為外型似保時捷(Porsche)嘅Taycan，網民曾叫佢「保時米」，有網民就覺得YU7好似法拉利(Ferrari)嘅Purosangue，所以叫佢「法拉米」。
不過，對買車人士嚟講，向邊個「致敬」其實冇乜所謂，最緊要始終係車價，性能設備係咪物有所值。
至於對揸咗小米股票嘅投資者嚟講，最重要係YU7可唔可以幫到業績及股價表現。
