【Now財經台】小米集團(01810)股價持續強勢，近期已升穿30元阻力，今朝(10日)更衝上逾3年半高位，小米預告最快明年6月就會推出新車YU7，預期會硬撼Tesla嘅Model Y，如果想做中線部署有咩要留意？
獨立股評人黃偉豪指，從中線角度睇小米表現正面，市場對新車會有一定憧憬，加上手機業務表現平穩，唔需要擔心小米前景。不過，Ravi提醒要睇住小米股價，因為過去1年升幅有啲誇張，即使大市表現反覆，小米仍不斷破頂，預期股價短期有機會出現波動。
佢又指，小米熱門CALL明年5月到期，價外17%，槓桿做到5倍，建議保守啲揀行使價30元做好倉部署，止蝕位擺28元。
