【Now財經台】雖然破天荒首度派中期息，但高鑫零售(06808)今日(11日)捱沽，股價低開逾3%，喺大量沽盤湧現下，股價一度低見2.23元，重挫近14%，其後跌幅顯著收窄，成交股數較過去100日同時段平均增約4倍。
高鑫昨日(10日)宣布派中期息17仙，除咗回饋股東，亦反映集團對下半年表現有一定信心，不過，派息金額明顯令市場失望，雖然股價今日一度插水，但當股價跌穿20天線後，見到有投資者趁低吸納，可能同高鑫曾經喺10月中話，話有要約人有意收購，甚至私有化公司，但到依家已過咗差唔多兩個月都冇新進展，投資者或者要對呢個憧憬審慎少少。
